MNS Marathi in Banks Campaign: मनसे कार्यकर्त्यांनी घाटकोपरच्या बँकेतून हटवली हिंदी भाषेत व्यवहार करण्यासंदर्भातील पाटी; दिली मराठीतच बोलण्याची ताकीद (Video)
घाटकोपर येथील एका बँकेत मनसे कार्यकर्त्यांना हिंदी भाषेत व्यवहार करण्यासंदर्भातील पाटी आढळली. त्यानंतर त्यांनी ती पाटी खाली उतरवली आणि मराठीतच व्यवहार करण्याची ताकीद दिली.
मुंबईमध्ये (Mumbai) महाराष्ट्र नवनिर्माण सेनेने (MNS) पुन्हा एकदा मराठी भाषेच्या वापरासाठी आपली मोहीम तीव्र केली आहे. सध्या एमएनएस कार्यकर्ते बँका, दुकाने आणि सार्वजनिक ठिकाणी मराठी भाषेचा आग्रह धरत आहेत. ते कर्मचाऱ्यांना मराठीत बोलण्यास आणि अधिकृत कामात मराठी वापरण्यास सांगत आहेत. या मोहिमेत काही ठिकाणी आक्रमकताही दिसत आहे. आता घाटकोपर येथील एका बँकेत मनसे कार्यकर्त्यांना हिंदी भाषेत व्यवहार करण्यासंदर्भातील पाटी आढळली. त्यानंतर त्यांनी ती पाटी खाली उतरवली आणि मराठीतच व्यवहार करण्याची ताकीद दिली.
दुसरीकडे, मराठी बोलण्यास नकार देणाऱ्या मुंबईतील बाहेरील लोकांविरुद्ध द्वेषपूर्ण भाषण दिल्याबद्दल महाराष्ट्र नवनिर्माण सेना, त्यांचे अध्यक्ष राज ठाकरे आणि इतर मनसे सदस्यांविरुद्ध कारवाई करण्याची मागणी करणारी याचिका सर्वोच्च न्यायालयात दाखल करण्यात आली आहे. ही याचिका उत्तर भारतीय विकास सेनेचे राष्ट्रीय अध्यक्ष सुनील शुक्ला यांनी दाखल केली आहे. (हेही वाचा: अमराठी लोकांना लक्ष्य केल्याबद्दल Raj Thackeray यांच्याविरोधात सर्वोच्च न्यायालयात याचिका; MNS आक्रमक, दिला सज्जड इशारा- 'त्यांना महाराष्ट्रात राहू द्यायचे का, यावरच विचार करावा लागेल')
MNS Marathi in Banks Campaign:
घाटकोपर येथील एका बँकेत मनसे कार्यकर्ते गेले असता हिंदी भाषेत व्यवहार करण्याची पाटी लिहिलेली आढळली. मग मनसे कार्यकर्त्यांनी थेट पाटीच खाली उतरवली आणि दिला इशारा. मराठीतच व्यवहार करण्याची दिली ताकीद.#LokmatMumbai #MarathiNews #MaharashtraNews pic.twitter.com/qtPVDf6KMp
— Lokmat Mumbai (@LokmatMumbai) April 9, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Apr 09, 2025 04:26 PM IST. For more news and updates on politics, world, sports, entertainment and lifestyle, log on to our website latestly.com).
