Mercedes Benz to Invest 3,000 Cr in Maharashtra: मर्सिडिझ बेंझ महाराष्ट्रात करणार 3000 कोटींची गुंतवणूक; उद्योगधंद्यांसह रोजगारात होणार वाढ
मर्सिडिझ बेंझ ही कंपनी यावर्षी महाराष्ट्रामध्ये 3000 कोटींची गुंतवणूक करणार आहे. यामुळे महाराष्ट्रात उद्योगधंद्यांसह रोजगारात मोठ्या संख्येने वाढ होणार आहे.
Mercedes Benz to Invest 3,000 Cr in Maharashtra: जर्मन कार उत्पादक कंपनी मर्सिडीज-बेंझ महाराष्ट्रात 3,000 कोटी रुपयांची गुंतवणूक करणार आहे. राज्याचे उद्योगमंत्री उदय सामंत यांनी गुरुवारी ही माहिती दिली. सामंत यांनी सोशल मीडिया प्लॅटफॉर्म 'X' वर लिहिले की, ‘आज जर्मनी दौऱ्यावर असताना मर्सिडिझ बेंझ कंपनीच्या प्रतिनिधीसोबत बैठक झाली. मर्सिडिझ बेंझ ही कंपनी यावर्षी महाराष्ट्रामध्ये 3000 कोटींची गुंतवणूक करणार आहे. यामुळे महाराष्ट्रात उद्योगधंद्यांसह रोजगारात मोठ्या संख्येने वाढ होणार आहे. यासंदर्भात आज चर्चा झाली. यावेळी मर्सिडीज कंपनीचे मर्सिडीज-बेंझ ग्रुप ऑफ मॅनेजमेंट बोर्डाचे सदस्य डॉ. जोर्ग बर्झर, पॉलिटिकल ऑपरेशन्स - एक्सटर्नल अफेयर्स, मर्सिडीज-बेंझ ग्रुप एजी संचालक श्रीमती मरिना क्रेट्स, विक्री आणि विपणन, प्रदेश ओव्हरसीज, मर्सिडीज-बेंझ ग्रुप एजी संचालक श्री. मार्टिन शुल्झ, मर्सिडीज-बेंझ इंडिया प्रायव्हेट लिमिटेड कार्यकारी संचालन प्रमुख श्री. व्यंकटेश कुलकर्णी आदी उपस्थितीत होते.’ (हेही वाचा: Freshers Job in IT Companies: अजूनही निवड झालेले 10,000 फ्रेशर्स नोकरीच्या प्रतीक्षेत; Infosys, Wipro, TCS पुढे ढकलत आहेत ऑनबोर्डिंग- Reports)
पहा पोस्ट-