Maharashtra Weather Forecast: राज्यात आज अनेक ठिकाणी विजांच्या कडकडाटासह हलक्या ते मध्यम पावसाची, तर काही जिल्ह्यांमध्ये गारपिटीची शक्यता

गेल्या काही दिवसांपासून महाराष्ट्र उन्हाच्या काहिलीने त्रासाला आहे. मुंब-पुण्यासह अनेक जिल्ह्यांमध्ये उष्णतेची लाट दिसून येत आहे. आता आज काही जिल्ह्यांना दिलासा मिळण्याची शक्यता आहे. आज रायगड, रत्नागिरी, धुळे, नाशिक, नांदेड, लातूर, सांगली, सोलापूर अशा अनेक जिल्ह्यांमध्ये वेगवेगळ्या ठिकाणी मेघगर्जना, विजांचा कडकडाट आणि सोसाट्याच्या वाऱ्यांसह हलका ते मध्यम पाऊस पडण्याची शक्यता वर्तवण्यात आली आहे. तर अहमदनगर, पुणे, सातारा, कोल्हापूर, बीड जिल्ह्यांमध्ये गारपिटीचीही शक्यता आहे. के एस होसाळीकर यांनी ट्वीटद्वारे माहिती दिली आहे. विजेच्या धोक्यांपासून सर्व सुरक्षा खबरदारी घेण्याचे त्यांनी आवाहन केले आहे. (हेही वाचा: नाशिकमध्ये अवकाळी पावसामुळे सहा दिवसात 23 हजार 699 हेक्टरवरील शेतीचे नुकसान)

महाराष्ट्र हवामान अंदाज-