Maharashtra Weather Forecast: कोकण व मध्य महाराष्ट्रात सक्रिय मान्सूनची स्थिती कायम; येत्या 5 दिवसांत तीव्र हवामानाचा इशारा, जाणून घ्या जिल्हानिहाय अंदाज
हवामान खात्याचे म्हणणे आहे की बंगालच्या उपसागरात चक्रीवादळ निर्माण झाले असून त्यामुळे एकूण 12 राज्यांमध्ये मुसळधार पावसाची शक्यता आहे.
देशात काही दिवसांपासून कमकुवत झालेला मान्सून पुढील चार दिवस खूप तीव्र असणार आहे. हवामान खात्याचे म्हणणे आहे की बंगालच्या उपसागरात चक्रीवादळ निर्माण झाले असून त्यामुळे एकूण 12 राज्यांमध्ये मुसळधार पावसाची शक्यता आहे. तेलंगणा, कोकण, गोवा, मध्य महाराष्ट्र, गुजरात आणि कर्नाटक किनारपट्टीच्या विविध भागात मुसळधार ते अतिवृष्टीचा अंदाज हवामान खात्याने वर्तवला आहे. अशात भारतीय हवामान खात्याच्या अंदाजानुसार, कोकणातील काही भाग आणि मध्य महाराष्ट्राच्या लगतच्या घाट भागात पुढील 2-3 दिवसांमध्ये सक्रिय मान्सूनची स्थिती कायम राहील. येत्या 5 दिवसांत तीव्र हवामानाचा इशारा देण्यात आला आहे. (हेही वाचा: Mumbai Rains: मुंबईच्या एसी डबल डेकर बस वर पहिल्याच पावसाळ्यात कोसळलं झाड; सुदैवाने जीवित, वित्तहानी नाही)
पहा तपशीलवार जिल्हानिहाय हवामान अंदाज व चेतावणी-