Maharashtra Monsoon Session: पावसाळी अधिवेशन पूर्वसंध्येच्या चहापानावर विरोधकांचा बहिष्कार

राज्याचे पावसाळी अधिवेशन उद्यापासून म्हणजेच 17 ऑगस्ट पासून सुरू होणार आहे. त्या पार्श्वभूमीवर सत्ताधारी पक्षाकडून आज  संध्याकाळी 5 वाजता सह्याद्री अतिथीगृहावर (Sahyadri Atithigruh) चहापानाच्या कार्यक्रमाचे आयोजत करण्यात आला होता. पण विरोधी पक्षाच्या नुकत्याच पार पडलेल्या बैठकीत विरोधी पक्षाकडून चहापानावर बहिष्कार टाकण्याचा निर्णय घेण्यात आला आहे. विरोधीपक्ष नेते अजित पवार (Ajit Pawar) यांनी पत्रकार परिषद (Press Conference) घेत याबाबत माहिती दिली आहे. अधिवेशन सुरु होण्यापूर्वीच जर चहापानाच्या कार्यक्रमावर विरोधक बहिष्कार टाकत असतील तर यावेळचे पावसाळी अधिवेशन (Maharashtra Monsoon Session) वादळी ठरण्याची शक्यता नाकारता येणार नाही.