Kolhapur: आरोग्य विभागाच्या कर्मचाऱ्यांना भरधाव मोटारीची धडक, सर्वजण जखमी

कोल्हापूरमध्ये एक धक्कादायक अपघात घडला आहे. या अपघातामुळे कोल्हापूरातील आरोग्य विभागाचे कर्मचारी जखमी झाले आहेत. ही घटना संभाजीनगर ते शिवाजी विद्यापीठ - रिंग रोडवर घडली. या रस्त्यावर भरधाव मोटारीने महापालिकेच्या आरोग्य विभागातील चौघा कर्मचाऱ्यांना ठोकर दिली. यामध्ये तीन महिलांचा समावेश असून जखमींना तत्काळ शासकीय रुग्णालयात दाखल केलं आहे. यापैकी एकाची प्रकृती चिंताजनक आहे.