Mumbai Shocker: हृदयद्रावक घटना! आजारी पत्नीची काळजी घेण्यास कंटाळून वृद्ध पतीने पत्नीवर केला वार
बेडवर पडलेल्या आजारी पत्नीची काळजी घेताना तो कंटाळल्याचे आरोपी पतीने सांगितले. त्यामुळे त्याला पत्नीचा खून करायचा होता. विष्णुकांत नरसिपा बलूर असे आरोपी पतीचे नाव असून पत्नीचे नाव शकुंतला आहे. दोघांवर वेगवेगळ्या रुग्णालयात उपचार सुरू आहेत.
मुंबईत एक हृदयद्रावक घटना समोर आली आहे. येथे एका खासगी कंपनीच्या निवृत्त सीईओ (79) यांनी त्यांच्या आजारी पत्नीवर (76) चाकूने हल्ला केला आहे. त्यानंतर गळा कापून आत्महत्येचा प्रयत्न केला. बेडवर पडलेल्या आजारी पत्नीची काळजी घेताना तो कंटाळल्याचे आरोपी पतीने सांगितले. त्यामुळे त्याला पत्नीचा खून करायचा होता. विष्णुकांत नरसिपा बलूर असे आरोपी पतीचे नाव असून पत्नीचे नाव शकुंतला आहे. दोघांवर वेगवेगळ्या रुग्णालयात उपचार सुरू आहेत. सध्या शकुंतला आणि विष्णुकांत दोघेही धोक्याबाहेर आहेत. मिळालेल्या माहितीनुसार, ही घटना शुक्रवारी (25 ऑगस्ट) पहाटे 3 ते 4 च्या दरम्यान घडली. ही बाब रविवारी (27 ऑगस्ट) उघडकीस आली. ठाकूर व्हिलेज, कांदिवली येथील मर्क्युरी सोसायटीच्या तिसऱ्या मजल्यावर हे जोडपे राहतात. त्यांना एक मुलगा असून तो अमेरिकेत राहतो. शकुंतला या बऱ्याच दिवसांपासून आजारी होत्या. अशा परिस्थितीत पती विष्णुकांत पत्नीची काळजी घेत असे.