Hatman Killer in Mumbai? अंधेरीमध्ये महिलेवर चाकूने वार केल्याचा व्हायरल व्हिडिओ 'पूर्णपणे बनावट'; शेअर न करण्याचे पोलिसांचे आवाहन

सध्या मुंबईमध्ये हॅटमॅन किलरच्या व्हायरल व्हिडिओमुळे नागरिकांमध्ये घबराट निर्माण झाली आहे. एक सीसीटीव्ही कॅमेरा फुटेज समोर आले आहे, ज्यामध्ये  काळ्या टोपीतील एक व्यक्ती एका महिलेला पकडून चाकूने हल्ला करत असल्याचे दिसत आहे. ही घटना मुंबई शहरात घडल्याचा दावा करण्यात आला आहे. हा व्हिडिओ व्हायरल झाल्यानंतर मुंबई पोलिसांनी सोमवारी ही क्लिप पूर्णपणे बनावट असल्याचे सांगून डिबंक केले. शहर पोलिसांनी मुंबईकरांना ही क्लिप पुढे शेअर न करण्याची विनंती केली आहे, कारण यामुळे शहरातील लोकांमध्ये अराजकता आणि दहशत निर्माण होत आहे.