Goregaon-Mulund Link Road: मुंबईकरांसाठी दिलासादायक! ऑक्टोबर 2023 पासून सुरु होणार गोरेगांव-मुलुंड लिंक रोडचे बांधकाम
या अंतर्गत गोरेगांव चित्रनगरी ते मुलुंड खिंडीपाडा पर्यंत जुळा व भूमिगत बोगदा (प्रत्येकी 4.70 किलोमीटर अंतर व चित्रनगरी परिसरातील 1.6 किमी लांब पेटी बोगद्यासह) बांधकामासाठी सुरु असलेली निविदा प्रक्रिया यशस्वी ठरली आहे.
मुंबईकरांसाठी एक मोठी बातमी आहे. गोरेगांव-मुलुंड जोडरस्ता अंतर्गत बोगद्याचे बांधकाम लवकरच होणार सुरु होणार आहे. बीएमसीने याची माहिती दिली. पश्चिम आणि पूर्व उपनगरांना जोडण्यासाठी बृहन्मुंबई महानगरपालिकेने गोरेगाव-मुलुंडजोड रस्ता हा 12 किलोमीटरचा प्रकल्प हाती घेतला आहे. या अंतर्गत गोरेगांव चित्रनगरी ते मुलुंड खिंडीपाडा पर्यंत जुळा व भूमिगत बोगदा (प्रत्येकी 4.70 किलोमीटर अंतर व चित्रनगरी परिसरातील 1.6 किमी लांब पेटी बोगद्यासह) बांधकामासाठी सुरु असलेली निविदा प्रक्रिया यशस्वी ठरली आहे. यामध्ये सर्वात कमी किंमतीची बोली जेकुमार-एनसीसी जेव्ही यांनी लावली आहे. सुमारे साडेचार वर्षांमध्ये हा बोगदा पूर्ण होणार असून ऑक्टोबर 2023 पासून प्रत्यक्ष काम सुरु होईल. (हेही वाचा: मुंबई लोकल ट्रेनमध्ये प्रवासी लटकला, हवेत तरंगला, व्हिडिओ व्हायरल)