Fiscal Heath: राज्यांच्या आर्थिक आरोग्याच्या बाबतीत महाराष्ट्र देशात अव्वल; पश्चिम बंगाल, केरळची स्थिती खराब- Reports

भारताची अर्थव्यवस्था झपाट्याने वाढत आहे. यामुळेच विविध राज्यांच्या आर्थिक स्थितीत बदल झाला आहे. यामध्ये महाराष्ट्राची आर्थिक स्थिती देशात सर्वोत्तम आहे. देशातील सर्वात गरीब राज्यांपैकी एक असलेले छत्तीसगड हे उत्तम आर्थिक स्थितीच्या यादीत महाराष्ट्रानंतर दुसऱ्या क्रमांकावर आहे आणि तेलंगणा या यादीत तिसऱ्या क्रमांकावर आहे. त्याच वेळी, पश्चिम बंगाल, पंजाब आणि केरळ खालील तीन स्थानांवर आहेत. परदेशी ब्रोकरेजच्या अहवालात ही माहिती देण्यात आली आहे. देशातील पहिल्या पाच राज्यांमध्ये महाराष्ट्र, छत्तीसगड, तेलंगणा, ओडिशा आणि झारखंडचे नाव येते. आर्थिक आरोग्याच्या बाबतीत बंगालची कामगिरी सर्वात वाईट आहे. यानंतर पंजाब, केरळ, बिहार, राजस्थान, यूपी अशा राज्यांचा नंबर लागतो. 2022-23 आर्थिक वर्षात आंध्र प्रदेश क्रमवारीत 11 व्या क्रमांकावर घसरला आहे, जो 2021-22 या आर्थिक वर्षात आठव्या क्रमांकावर होता. 2022-23 या आर्थिक वर्षात गुजरात पाचव्या क्रमांकावरून सातव्या क्रमांकावर घसरला आहे. (हेही वाचा: Plastic Ban in Mumbai: मुंबईत प्लास्टिक वापराविरोधात BMC उचलणार कठोर पावले; 21 ऑगस्टपासून सुरु होणार कारवाई)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)