Firing Outside Salman Khan's House: सलमान खानच्या घराबाहेर गोळीबार, घटनेत कोणतीही जीवितहानी नाही, पोलिस तपास सुरु

Firing Outside Salman Khan's House: बॉलिवूड अभिनेता सलमान खान याच्या घराबाहेर गोळीबार झाल्याची धक्कादायक माहिती समोर आली आहे. या घटनेनंतर परिसरात एकच खळबळ उडाली आहे. माहितीनुसार, दोन हल्लेखोर दुचाकीवरून बांद्रातील गॅलेक्सी अपार्टमेंटच्या बाहेर आले होते. घटनेची माहिती पोलिस देण्यात आली.त्यांनी सीसीटीव्ही फुटेज तपासले आहेत. पहाटे ४.५५ वाजता ही घटना घडली. या घटनेनंतर पोलिसांनी तपास सुरु केला आहे. ही घटना जेव्हा घडली त्या वेळीस सलमान खान घरीच होते अशी माहिती मिळाली आहे. सलमान खान यांच्या जीवाला धोका असल्याची संशय अनेकांनी व्यक्त केला आहे. घटनास्थळी क्राईम ब्रॅंच आणि एटीएसची टीम पोहचली अशून तपास सुरु आहे. दोन ते तीन वेळा गोळीबार झाला अशी माहिती देण्यात आली आहे. घटनेत कोणतीही जीवितहानी झाली नाही.