'सरकारी पक्षाच्या माध्यमातून पोलीस दलाचा गैरवापर, विरोधक संपवण्याचे षडयंत्र'- Devendra Fadnavis यांचा आरोप

विशेष सरकारी वकील भाजप नेत्यांविरोधात कट रचत असल्याचा आरोप महाराष्ट्राचे विरोधी पक्षनेते देवेंद्र फडणवीस यांनी मंगळवारी विधानसभेत केला. महाराष्ट्राचे माजी मुख्यमंत्री फडणवीस म्हणाले, 'राज्य सरकारच्या विशेष सरकारी वकीलाने (एसपीपी) आमच्याविरुद्ध कट रचला आहे. माझ्याकडे याचे व्हिडिओ आहेत. याची चौकशी कोण करणार?' या प्रकरणाचा तपास केंद्रीय अन्वेषण विभागाने (CBI) करावा, अशी मागणी त्यांनी सभापतींकडे केली. सरकारकडून विरोधकांना संपवण्याचं षडयंत्र आखले जात असल्याचा दावा करत, फडणवीस यांनी विशेष सरकारी वकील प्रविण पंडित चव्हाण यांचे अनेक व्हिडीओ असल्याचा एक पेनड्राईव्ह विधानसभा अध्यक्षांना दिला.

यावेळी ते म्हणाले की, 'अलीकडच्या काळात पोलीस दलाचा गैरवापर हा सरकारी पक्षाच्या माध्यमातून मोठ्या प्रमाणावर वाढला आहे. सरकार षडयंत्र करत असेल तर त्या लोकशाहीला अर्थ उरत नाही. आपला विरोधक संपवण्याचे षडयंत्र जर का सरकार करत असेल, तर या लोकशाहीचा उद्देश कधीच सफल होणार नाही.'

राज्य सरकारनं पोलीस यंत्रणेचा गैरवापर करुन भाजपा नेत्यांविरुद्ध कारस्थान रचल्याचा @Dev_Fadnavis यांचा आरोप, विधानसभेत सादर केले पुरावे.@DDNewslive @DDNewsHindi #BudgetSession2022 #Maharashtra #MaharashtraBudgetSession #BJP pic.twitter.com/UxF31RoWZS

— DD Sahyadri News | सह्याद्री बातम्या (@ddsahyadrinews) March 8, 2022

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Mar 08, 2022 07:54 PM IST. For more news and updates on politics, world, sports, entertainment and lifestyle, log on to our website latestly.com).