Shraddha Walkar Murder Case: आफताबच्या नार्को चाचणीच्या परवानगी अर्जाला न्यायालयाकडून मान्यता

दिल्लीतील मेहरौली भागातील श्रद्धा वॉकर हत्या प्रकरणाने देशभरात खळबळ उडाली आहे. श्रद्धाचा लिव्ह-इन पार्टनर आफताब पूनावाला याने तिची निर्घृण हत्या केली. त्यानेच पोलिसांसमोर कबुली दिली की, त्याने श्रद्धाचे 35 तुकडे केले. ते सर्व तुकडे दिल्लीच्या वेगवेगळ्या भागात फेकण्यात आले. पोलिसांनी आतापर्यंत मृतदेहाचे सुमारे 13 तुकडे जप्त केले आहेत. आता हे तुकडे डीएनए चाचणीसाठी पाठवण्यात येणार आहेत.

श्रद्धा हत्याकांडात साकेत न्यायालयाने आरोपी आफताबला त्याची नार्को टेस्टसाठी विचारणा केली असता त्याने नार्को टेस्टसाठी होकार दिला. कोर्टाने आरोपीला विचारले की तुम्हाला नार्को, त्याचा परिणाम माहीत आहे का, त्यानंतर आरोपीने त्याला संमती दिली. पोलिसांनी न्यायालयाला सांगितले की, आरोपी आफताबला उत्तराखंड आणि हिमाचल प्रदेशात चौकशीसाठी घेऊन जावे लागेल. आरोपी आफताबच्या नार्को अॅनालिसिस चाचणीची परवानगी मागणारा पोलिसांचा अर्जही न्यायालयाने मान्य केला आहे.