Ceiling Plaster Collapses In Kopri: कोपरी येथे सिलिंगचे प्लास्टर कोसळून 27 वर्षीय तरुण जखमी

Ceiling Plaster Collapses In Kopri: ठाण्यातील कोपरी येथे रविवारी पहाटे खोलीतील सिलिंग प्लास्टर कोसळल्याने 27 वर्षीय तरुण जखमी झाला. ठाणे महानगरपालिकेच्या प्रादेशिक आपत्ती व्यवस्थापन कक्षाचे प्रमुख यासीन तडवी यांनी सांगितले की, 50 वर्षे जुन्या असलेल्या चार मजली इमारतीतील फ्लॅटमध्ये ही घटना पहाटे 4:05 वाजता घडली. या घटनेत सूरज सोलंकी नावाचा 27 वर्षीय तरुण जखमी झाला असून त्याला रुग्णालयात दाखल करण्यात आले आहे. इमारतीच्या स्तंभांना भेगा पडल्या आहेत. संरचनेचा उर्वरित भागही धोकादायक स्थितीत आहे. अग्निशमन दल आणि आरडीएमसीच्या जवानांनी मदतकार्य सुरु केले आहे.  खोलीतील दोन रहिवाशांना सुरक्षिततेसाठी हलवण्यात आले आहे, असंही तडवी यांनी सांगितलं.