Monkeypox Virus: लक्षणे दिसल्यास ताबडतोब चाचणी करून घेण्याचे मंत्री राजेश टोपे यांचे आवाहन

महाराष्ट्राचे सार्वजनिक आरोग्य मंत्री राजेश टोपे यांनी बुधवारी भारतात मंकीपॉक्सचा एकही रुग्ण आढळला नसल्यामुळे लोकांनी घाबरून जाऊ नये असे सांगितले आहे. मात्र याबाबतची लक्षणे आढळून आल्यानंतर लोकांना चाचण्या करून घेण्याचे आवाहनही त्यांनी केले.

ते म्हणाले की आरोग्य विभाग या आजारावर बारीक लक्ष ठेवून आहे आणि विमानतळांवर आंतरराष्ट्रीय प्रवाशांची तपासणी केली जाते. दक्षिण आफ्रिका, यूके आणि यूएसएसह जगाच्या विविध भागांमध्ये मंकीपॉक्स रोगाच्या प्रसाराची राज्य सरकारने दखल घेतली आहे. हा विषाणू हवेतून पसरत नाही तर तो एका व्यक्तीकडून दुसऱ्या व्यक्तीकडे किंवा प्राण्यांकडून प्राण्यांमध्ये पसरतो. मंत्र्यांच्या म्हणण्यानुसार, विषाणूची लक्षणे सुमारे 2 ते 4 आठवडे टिकतात.