Conjunctivitis in Pune: देवाची आळंदीमध्ये अवघ्या तीन दिवसात 1,600 मुलांना उद्भवली 'डोळे येण्याची' समस्या; शाळांना सुट्टी जाहीर करण्याचे आवाहन

पुण्यातील देवाची आळंदी परिसरात तब्बल 1,600 मुलांना कंजंक्टिव्हायटिस म्हणजेच ‘डोळे येणे’ची समस्या उद्भवली आहे. आरोग्य विभागाच्या अधिकारी उर्मिला शिंदे यांनी याबाबत माहिती दिली आहे. महत्वाचे म्हणजे या आजाराचा फैलाव अवघ्या तीन दिवसांत झाला आहे. परिसरातील शाळांमधून त्याचा प्रसार होत आहे. हा प्रादुर्भाव रोखण्यासाठी आरोग्य विभागाने शाळांना सुट्टी जाहीर करण्याचे आवाहन केले आहे. पुण्यातील आळंदीत वारकरी संप्रदायाच्या शाळा आणि शैक्षणिक संस्थांमधील मुलांना डोळ्यांच्या आजाराची लागण झाली आहे.

डोळ्यांची सतत जळजळ होणे, डोळ्यांतून घाण स्त्राव, डोळ्यांत पाणी येणे, पापण्या चिमटणे ही नेत्ररोगाची लक्षणे आहेत. यासाठी डोळ्यांना स्पर्श केल्यानंतर स्वच्छ हात धुणे, ज्या लोकांना याची लागण झाली आहे त्यांनी सतत चष्मा लावणे, डॉक्टरांचा योग्य सल्ला घेणे असे आवाहन आरोग्य विभागाने केले आहे. (हेही वाचा: Guillain-Barre syndrome, दुर्मिळ न्युरोलॉजिकल सिंड्रोम मुळे Peru ,मध्ये Health Emergency; जाणून घ्या लक्षणं काय?)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)