World's Best Street Sweets: भारतातील म्हैसूर पाक, कुल्फी आणि कुल्फी फालुदाचा जगातील टॉप-50 स्ट्रीट फूड स्वीट्समध्ये समावेश, जाणून घ्या यादी
‘टेस्ट ऍटलस’ने (Taste Atlas) जगभरातील सर्वात स्वादिष्ट मिठाईंची यादी जारी केली. यामध्ये भारतातील 3 स्ट्रीट फूड मिठाईंना मिळाले आहे. टेस्ट ऍटलस हे फूड मॅगझिन आहे,
भारतीय मिठाई या आजपासून नव्हे तर शतकानुशतके जगाला भुरळ घालत आहेत. गुलाब जामुन, रसगुल्ल्यापासून ते घेवर, काजू कतली आणि इतर अनेक स्वादिष्ट पदार्थांची नावे जरी ऐकली तरी लोकांच्या तोंडाला पाणी सुटते. आता ‘टेस्ट ऍटलस’ने (Taste Atlas) जगभरातील सर्वात स्वादिष्ट मिठाईंची यादी जारी केली. यामध्ये भारतातील 3 स्ट्रीट फूड मिठाईंना मिळाले आहे. टेस्ट ऍटलस हे फूड मॅगझिन आहे, जे जगभरातील स्ट्रीट फूडचा तपशीलवार आढावा घेते आणि दरवर्षी रँकिंग जारी करते.
टेस्ट अॅटलसने काही दिवसांपूर्वी इंस्टाग्रामवर शेअर केलेल्या यादीनुसार, म्हैसूर पाक 14व्या स्थानावर आहे. त्यानंतर कुल्फी आणि कुल्फी फालुदा अनुक्रमे 18 आणि 32 व्या क्रमांकावर आहेत. टॉप 10 मिठाईच्या यादीत पोर्तुगालची पेस्टल दे नाटा पहिल्या क्रमांकावर आहे. त्यापाठोपाठ इंडोनेशियाचा सेराबी, तुर्कीचा डोंडुर्मा, दक्षिण कोरियाचा हॉटिओक आणि थायलंडचा पा थोंग को यांचा क्रमांक लागतो. (हेही वाचा: Best Chicken Dish In World: जगातील 50 सर्वोत्तम चिकन डिशच्या यादीत भारताने पटकावला क्रमांक, टेस्ट अॅटलास कडून यादी जाहिर)