Lok Sabha Election Results 2024: आसनसोल लोकसभा मतदारसंघातून TMC उमेदवार शत्रुघ्न सिन्हा आघाडीवर
पश्चिम बंगालमधील लोकसभेच्या 42 जागांवरील विजयी उमेदवारांची नावे आज समजणार आहेत. येथे टीएमसी आणि भाजप यांच्यातच लढत आहे.
Lok Sabha Election Results 2024: ज्येष्ठ अभिनेते आणि आसनसोल लोकसभा मतदारसंघातील TMC उमेदवार, शत्रुघ्न सिन्हा (Shatrughan Sinha) 26,197 मतांच्या फरकाने आघाडीवर आहेत. पश्चिम बंगालमधील लोकसभेच्या 42 जागांवरील विजयी उमेदवारांची नावे आज समजणार आहेत. येथे टीएमसी आणि भाजप यांच्यातच लढत आहे. या निवडणुकीत तृणमूल काँग्रेसचे राष्ट्रीय सरचिटणीस आणि ममता बॅनर्जी यांचे पुतणे अभिषेक बॅनर्जी डायमंड हार्बरमधून, क्रिकेटपटू युसूफ पठाण बहरामपूरमधून काँग्रेसचे उमेदवार अधीर रंजन चौधरी, कृष्णनगरमधून तृणमूलचे नेते महुआ मोईत्रा आणि आसनसोलमधून टीएमसीचे उमेदवार शत्रुघ्न सिन्हा रिंगणात आहेत. मतमोजणीदरम्यान लोकांच्या नजरा पश्चिम बंगालच्या या सेलिब्रिटींवर खिळल्या आहेत. याशिवाय बंगाल भाजपचे माजी अध्यक्ष दिलीप घोष, केंद्रीय मंत्री निशीथ प्रामाणिक, प्रदेश भाजप अध्यक्ष सुकांत मजुमदार यांच्यासह अनेक दिग्गज रिंगणात आहेत.