Bihar Bridge Collapse: बख्तियारपूर- ताजपूर गंगा महासेतू पुलाचा भाग कोसळला, सुदैवाने कोणतीही जीवितहानी नाही

Bihar Bridge Collapse:  बिहार येथील समस्तीपूर येथे बख्तियारपूर-ताजपूर गंगा महासेतू पुलाचा भाग कोसळल्याची धक्कादायक माहिती समोर येत आहे. या घटनेनंतर पूलाच्या बांधकामाच्या दर्जावर प्रश्न उपस्थित होत आहे. ही घटना रविवारी सांयकाळी घडली. घटनेनंतर बांधकाम संस्थेचे कर्मचारी आणि अग्निशमन दल ढिगारा उचलण्यास मदत करत आहे. मिळालेल्या माहितीनुसार, काही महिन्यांपूर्वीच हा पूलावर स्पॅन बसवण्यात आला होता. मात्र, रविवारी पूलावरचा स्पॅन कोसळला. या घटनेचा व्हिडिओ सोशल मीडियावर व्हायरल होत आहे.  बिहारचे मुख्यमंत्री नितेश कुमार यांनी बख्तियारपूर-ताजपूर गंगा महासेतूची पायाभरणी केली. (हेही वाचा- उत्तर प्रदेश मध्ये पुन्हा रेल्वे अपघात घडवण्याचा प्रयत्न; कानपूरजवळ रेल्वे रुळावर आढळला गॅस सिलिंडर)

पूल कोसळला