ATM In Train: आता ट्रेनमध्येही एटीएममधून काढता येणार पैसे! प्रवाशांसाठी मुंबई मनमाड पंचवटी एक्सप्रेस ट्रेनमध्ये सुविधा सुरु

ATM Installed in Train: मुंबई मनमाड पंचवटी एक्सप्रेसमध्ये ऑनबोर्ड एटीएम सुरू करून भारतीय रेल्वेने एक मोठा उपक्रम हाती घेतला आहे. एसी चेअर कार कोचमध्ये एटीएम बसवण्यात आले आहे. ही भारतातील अशा प्रकारची पहिलीच ट्रेन ठरली आहे. ज्यामध्ये ऑनबोर्ड एटीएमची सुविधा सुरू करण्यात आली आहे. हे एटीएम कोचच्या मागील बाजूस असलेल्या एका लहान पेंट्री जागेत बसवण्यात आले आहे. यासोबतच ते शटर दरवाजाने संरक्षित केले आहे. जे ट्रेन चालू असतानाही सुरक्षित राहील आणि लोक सहजपणे पोहोचू शकतील. हे एटीएम बँक ऑफ महाराष्ट्रने बसवले आहे. मिड डेच्या वृत्तानुसार, मनमाड रेल्वे वर्कशॉपमध्ये अपग्रेडेशन करण्यात आले जिथे प्रवासादरम्यान एटीएम चालू ठेवण्यासाठी आवश्यक पायाभूत सुविधा आणि उपकरणांसह उपलब्ध केले आहे. चालत्या ट्रेनमध्ये मशीन सुरळीतपणे काम करू शकेल यासाठी पुरेसे विद्युत आणि संरचनात्मक समायोजन केले गेले आहेत.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)