Viral Video: शिक्षकाने आपल्या विद्यार्थिनीला केले प्रपोज; गावकऱ्यांना माहिती मिळताच दिली 'ही' शिक्षा (Watch)

बिहारमधील सिवान जिल्ह्यात शिक्षक दिनाच्या दिवशी एक लाजिरवाणी घटना समोर आली आहे. सोशल मीडियावर एक व्हिडीओ व्हायरल झाला होता. या व्हिडिओमध्ये एक तरुण सिट-अप्स करताना दिसत आहे. दाव्यानुसार, हा व्हिडिओ बिहारच्या सिवान जिल्ह्यातील महाराजगंज पोलीस स्टेशन परिसरातील असून सिट-अप करणारा तरुण एक शिक्षक आहे. या शिक्षकाने आपल्या एका विद्यार्थिनीला प्रपोज केले होते. परंतु मुलीने त्याला नकार दिल्याने या शिक्षकाने तिला त्रास द्यायला सुरुवात केली. ही बाब स्थानिकांना कळताच लोक संतप्त झाले. या घटनेचा निषेध करत त्यांनी शिक्षकाला धारेवर धरले आणि त्यांनी या शिक्षकाला उठा-बशा काढायला भाग पाडले. मिळालेल्या माहितीनुसार, व्हिडिओमध्ये दिसणारा तरुण कोचिंगचा शिक्षक असून, त्याचे नाव सत्येंद्र प्रसाद आहे.