आजकाल सोशल मीडियाच्या युगात जवळजवळ प्रत्येकालाच खास व्हिडिओ बनवून अल्पावधीत लोकप्रियता मिळवायची आहे. यासाठी अनेक लोक हटके व्हिडिओ बनवण्याचा प्रयत्न करतात, जेणेकरून ते व्हायरल होतील. काहीतरी नवीन करून पाहण्याच्या उदेशाने काही लोक धोकादायक स्टंट करताना दिसतात, तर काही लोक व्हिडिओ बनवण्यासाठी धोकादायक ठिकाणे निवडतात. आता असेच एक धक्कादायक प्रकरण उत्तर प्रदेशातील बाराबंकी येथून समोर आले आहे. जहांगीराबादचा रहिवासी असलेला एक तरुण रील बनवण्याच्या नादात आपला जीव गमावून बसला आहे. फरमान असे या तरुणाचे नाव असून तो 14 वर्षांचा होता.

फरमान रेल्वे रुळांवर बेपर्वाईने रील तयार करत असताना त्याला धावत्या ट्रेनने धडक दिली, ज्यात त्याचा मृत्यू झाला. सध्या या घटनेचा धक्कादायक व्हिडिओ सोशल मिडियावर व्हायरल होत आहे. अहवालानुसार, फरमान आपल्या 3 मित्रांसह मिरवणूक पाहण्यासाठी जात होता. मात्र, मध्येच त्याने रेल्वे क्रॉसिंगजवळ थांबून रुळावर रील बनवण्याचा विचार केला. त्याच्या मित्रांनीही त्याचे म्हणणे मान्य केले. त्यानंतर काहीही विचार न करता फरमान रेल्वे रुळावर जाऊन उभा राहिला व त्याचवेळी ट्रेनने त्याला धडक दिली. (हेही वाचा: नोएडात ट्रक मध्ये घुसला अजगर; चालक, सहचालक ट्रक सोडून पळाले (Watch Video)

हा व्हिडिओ तुम्हाला विचलित करू शकतो- 

 

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)