Vande Bharat Express Fire Video: भोपाळ ते दिल्ली प्रवासादरम्यान वंदे भारत ट्रेनला आग;  प्रवाशांमध्ये घबराट

राणी कमलापती येथून हजरत निजामुद्दीनला निघालेल्या वंदे भारत ट्रेनच्या सी 14 डब्याला आज सकाळी आग लागली. ही घटना बीनाच्या आधी कुरवई येथे घडली. डब्यात बसवलेल्या बॅटरीमधून आग लागण्याची शक्यता आहे. आग विझवण्याचे प्रयत्न सातत्याने सुरू आहेत. काल हजरत निजामुद्दीन वंदे भारत एक्स्प्रेस राणी कमलापती स्थानकावरून पहाटे 5.40 वाजता निघाली. बीना स्टेशनवर पोहोचण्यापूर्वी कुरवाई केथोरा येथे रेल्वेच्या सी 14 डब्यात अचानक आग लागली. या डब्यात 36 प्रवासी होते. अपघाताची माहिती मिळताच कुरवई येथे सकाळी 7.10 वाजता गाडी थांबवण्यात आली आणि प्रवाशांना सुखरूप बाहेर काढण्यात आले. अग्निशमन दलाच्या पथकाने घटनास्थळी पोहोचून आग आटोक्यात आणली.

पाहा व्हिडिओ -