Pakistan-Made Chili Mili Candy Row: चॉकलेटचे नमुने चाचणीसाठी प्रयोगशाळेत, तपासनंतर कारवाई, एफडीआयची माहिती

राजस्थानमधील उदयपूरमध्ये गोमांसापासून बनवलेले चॉकलेट विकल्याची घटना समोर आली आहे. शहरातील पोलीस नियंत्रण कक्षापासून अवघ्या पन्नास मीटर अंतरावर बीफ जिलेटिनपासून बनवलेले चॉकलेट कथीतरित्या विकले जात होते. तक्रार मिळताच वैद्यकीय आणि आरोग्य विभागाचे पथक घटनास्थळी पोहोचले आणि दुकानातील सर्व बीफ टॉफी जप्त केली. ही टॉफी पाकिस्तानातून मागवण्यात आली होती. आता विभागाकडून शहरातील इतर दुकानांची तपासणी सुरू आहे, अशी माहिती आहे. वृत्तसंस्था एएनआयने अधिकाऱ्याच्या हवाल्याने याबाबत माहिती असलेले ट्विट केले आहे. चॉकलेटचे नमुने प्रयोगशाळेत चाचणीसाठी पाठविण्यात आले आहेत. अहवाल आल्यानंतर योग्य ती कारवाई केली जाईल, अशी माहिती एफडीआयच्या अधिकाऱ्यांनी दिली आहे.