Mysuru Road Accident: म्हैसूरजवळील भीषण अपघातामध्ये 10 जणांचा मृत्यू; समोर आला धक्कादायक व्हिडीओ (Watch)

आज कर्नाटकातील म्हैसूरजवळ एक भीषण रस्ता अपघात झाला. या अपघातामध्ये दोन लहान मुलांसह 10 जणांचा मृत्यू झाला आहे. तिरुमाकुडलू-नरसीपूरजवळ खासगी बस आणि कार यांच्यात धडक होऊन हा अपघात घडला. यामध्ये अनेक लोक जखमीही झाले आहेत. आता या अपघाताचा धक्कादायक व्हिडीओ समोर आला आहे. वळणावर कारची आणि बसची भयानक धडक झाल्याचे व्हिडीओ दिसत आहे. अपघात इतका भीषण होता की, यामध्ये कारचा चक्काचूर झाला. मोठ्या कष्टानंतर मृतदेह कारमधून बाहेर काढून शवविच्छेदनासाठी पाठवण्यात आले असून, आजूबाजूच्या लोकांकडून घटनेची माहिती घेतली जात आहे.

कर्नाटकचे मुख्यमंत्री सिद्धरामय्या यांनी सोमवारी म्हैसूर जिल्ह्यातील टी नरसीपुराजवळ झालेल्या दुर्दैवी रस्ता अपघातात मृत्युमुखी पडलेल्यांच्या कुटुंबीयांना 2 लाख रुपयांची मदत जाहीर केली. (हेही वाचा: Odisha Shocker: मुलगी झाली म्हणून वडिलांनी 20 दिवसांच्या मुलीला दिले विषाचे इंजेक्शन, पोलिसांकडून अटक)