Maharashtra Rain Update: महाराष्ट्रात पावसाची हजेरी, रायगड रत्नागिरीसाठी ऑरेंज, पालघर, मुंबई, ठाणे आणि सिंधुदुर्गसाठी यलो अलर्ट

Maharashtra Rain Update:  मुंबईसह महाराष्ट्रात अनेक ठिकाणी वरूण राजाचं आगमन झालं आहे. मुंबईतील शनिवारच्या मुसळधार पावसाने अनेक भागात पाणी साचल्याचे चित्र पाहायला मिळाले आहे. भारतीय हवामान खात्याने (IMD) पुढील काही तासांसाठी महाराष्ट्रातील काही भागात अलर्ट जाहीर केला आहे. रायगड, रत्नागिरी या जिल्ह्यात ऑरेंज अलर्ट तर पालघर, मुंबई, ठाणे आणि सिंधुदुर्ग ह्या ठिकाणी यलो अलर्ट जाहिर केला आहे.

पावसाचा जोर काल पासून वाढल्याने भारतीय हवामान खात्याने काही भागात ऑरेंज अलर्ट जाहीर केला आहे. ह्याचा आढावा घेत भारतीय हवामान खात्याने मुंबई, ठाणे, पालघर ह्या ठिकाणी यलो अलर्ट जारी केला आहे. पुढील पाच दिवस हे मुसळधार पावसाचे असल्याचे दिसून येत आहे.