Lok Sabha Elections 2024 Results: निवडणुकीचे निकाल अपेक्षेप्रमाणे न आल्यास INDIA आघाडी करणार 'या' पर्यायांचा वापर; सर्व वरिष्ठ नेत्यांना परवापर्यंत दिल्लीतच राहण्याचे आवाहन
इंडिया आघाडीच्या सर्व वरिष्ठ नेत्यांना काँग्रेसने उद्या रात्री किंवा परवा सकाळपर्यंत दिल्लीत राहण्याचे आवाहन केले आहे. पश्चिम बंगालच्या मुख्यमंत्री ममता बॅनर्जी यांनीही याबाबत सकारात्मक भूमिका घेतली आहे.
Lok Sabha Elections 2024 Results: सध्या संपूर्ण देशाचे लक्ष उद्याच्या लोकसभा निवडणुकीच्या निकालावर लागले आहे. एकीकडे एक्झिट पोलमध्ये पीएम मोदी तिसऱ्यांदा हॅट्ट्रिक करताना दिसत आहेत, तर दुसरीकडे इंडिया आघाडीदेखील त्यांच्या विजयाबाबत आशावादी आहे. लोकसभा निवडणूक जिंकण्याच्या दाव्यांच्या पार्श्वभूमीवर 'इंडिया’ आघाडी अलर्ट मोडमध्ये आली आहे. कार्यकर्त्यांना मतमोजणीवर बारीक लक्ष ठेवण्याच्या सूचना देण्यात आल्या आहेत. इंडिया आघाडीच्या सर्व वरिष्ठ नेत्यांना काँग्रेसने उद्या रात्री किंवा परवा सकाळपर्यंत दिल्लीत राहण्याचे आवाहन केले आहे. पश्चिम बंगालच्या मुख्यमंत्री ममता बॅनर्जी यांनीही याबाबत सकारात्मक भूमिका घेतली आहे.
निवडणूक निकालानंतर इंडिया आघाडीची बैठक होणार आहे. अपेक्षेनुसार आणि मूल्यांकनानुसार जागांची संख्या आली नाही किंवा अपेक्षेप्रमाणे निकाल न आल्यास, प्रदर्शन/पत्रकार परिषद/राष्ट्रपतींची भेट यासह अन्य पर्यायांवर चर्चा केली जाईल, जिथे निवडणूक आयोगाच्या भूमिकेवर प्रश्न उपस्थित केले जाऊ शकतात. काँग्रेसच्या सूत्रांनी याबाबत माहिती दिली आहे. (हेही वाचा: CM Kejriwal On Exit Polls: 'एक्झिट पोल खोटे, ईव्हीएममध्ये छेडछाड होण्याची शक्यता! तुरुंगात जाण्यापूर्वी केजरीवालांनी व्यक्त केली भीती)
पहा पोस्ट-