Infosys Net Profit: मार्च तिमाहीत इन्फोसिसचा निव्वळ नफा वार्षिक 7.8 टक्क्यांनी वाढून 6,128 कोटी रुपयांवर पोहोचला

देशातील आघाडीच्या आयटी कंपनीपैकी एक असलेल्या इन्फोसिसने चौथ्या तिमाहीचे निकाल जाहीर केले आहेत. वर्ष 2022-23 च्या चौथ्या तिमाहीत इन्फोसिसचा एकात्मिक निव्वळ नफा वार्षिक 7.8 टक्क्यांनी वाढून 6,128 कोटी रुपयांवर पोहोचला आहे. कंपनीने शेअर बाजाराला माहिती दिली की, मार्च तिमाहीत कंपनीचे एकत्रित उत्पन्न 16 टक्क्यांनी वाढून 37,441 कोटी रुपये झाले आहे. इन्फोसिसने 2023-24 या आर्थिक वर्षात महसुलात 4 ते 7 टक्क्यांनी वाढ होण्याचा अंदाज व्यक्त केला आहे.