Goods Train Derails In Jharkhand: झारखंडमध्ये मालगाडी रुळावरून घसरली; हटिया आणि गोड्डा एक्सप्रेस रद्द

Goods Train Derails In Jharkhand: झारखंडमधील सरायकेला जिल्ह्यात मालगाडी रुळावरून घसरली. या अपघातात कोणतीही जीवितहानी झाल्याचे वृत्त नसले तरी यामुळे रेल्वे रुळ पूर्णपणे खराब झाला आहे. त्यामुळे या मार्गावरील गाड्यांची वाहतूक ठप्प झाली आहे. परिणामी अनेक गाड्या रद्द कराव्या लागल्या आहेत. झारखंडमधील सरायकेला जिल्ह्यातील चंदिलमध्ये हा रेल्वे अपघात झाला. सोमवारी दुपारी बाराच्या सुमारास चांदिल स्थानकाजवळ मालगाडी मोठ्या आवाजात रुळावरून घसरली. या अपघातानंतर रेल्वे रुळाला तडे गेल्याने टाटानगर स्थानकातून जाणाऱ्या गाड्यांची वाहतूक बंद करण्यात आली. तथापी, हातिया एक्सप्रेस आणि गोड्डा एक्सप्रेस रद्द करण्यात आल्या आहेत.

झारखंडमध्ये मालगाडी रुळावरून घसरली, पहा व्हिडिओ -