Ayodhya Deepotsav 2022: अयोध्येच्या दीपोत्सवात 15 लाख दिवे प्रज्वलित; गिनीज बुक ऑफ वर्ल्ड रेकॉर्डमध्ये नोंद (See Photos and Videos)

रविवारी अयोध्येत मोठ्या उत्साहात दीपोत्सव साजरा झाला. यावेळी पंतप्रधान नरेंद्र मोदी यांच्या उपस्थितीत 15 लाख दिवे प्रज्वलित करून दीपोत्सव कार्यक्रम साजरा करण्यात आला. एकाच वेळी पंधरा लाख 76 हजार दिवे प्रज्वलित करण्यात आले, त्यामुळे या घटनेची नोंद गिनीज बुक ऑफ वर्ल्ड रेकॉर्डमध्ये करण्यात आली. सरयू घाटावर दिव्यांच्या माध्यमातून राम मंदिराचा आकार साकारला गेला, जो इतका भव्य आणि दिव्य दिसत होता की सर्वांच्या नजरा त्यावरच खिळल्या होत्या. याशिवाय राम की पौड़ीवरील 15 लाख दिव्यांच्या प्रकाशाने या तेजात भर पडली. अशाप्रकारे अयोध्येतील हा सहावा दीपोत्सव कार्यक्रम यशस्वीरित्या पार पडला.