'Only Hindus should work at Tirumala': तिरुमला येथे फक्त हिंदू लोकांनीच काम करावे; मंदिराचे नवे अध्यक्ष BR Naidu यांचे विधान
वायएसआर काँग्रेस सरकारच्या काळात तिरुमलामध्ये अनेक अनियमितता झाल्याचा आरोप नायडू यांनी केला. मंदिराचे पावित्र्य राखले पाहिजे, असे ते म्हणाले.
'Only Hindus should work at Tirumala': आंध्र प्रदेश सरकारने नवीन तिरुमला तिरुपती देवस्थानम (TTD) बोर्डाची घोषणा केली. बीआर नायडू यांना अध्यक्ष करण्यात आले आहे. पदभार स्वीकारताना नवनियुक्त अध्यक्ष नायडू म्हणाले की, इतर धर्माच्या लोकांना व्हीआरएस प्रदान करणे हे त्यांचे प्राधान्य आहे. बीआर नायडू पुढे म्हणाले, ‘टीटीडीच्या अध्यक्षपदी नियुक्ती मिळाल्याने मी भाग्यवान समजतो. माझी नियुक्ती केल्याबद्दल मी चंद्राबाबू नायडू आणि एनडीए नेत्यांचे आभार मानतो. मी माझ्या आयुष्यातील हा एक महत्त्वाचा टर्निंग पॉइंट मानतो. आधीच्या सरकारने इथे खूप चुका केल्या आहेत. मी पाच वर्षांत एकदाही तिरुमलाला भेट दिली नाही कारण मला वाटते की, इथे पवित्रता नाही.’
नायडू यांनी गुरुवारी सांगितले की, भगवान व्यंकटेश्वराचे निवासस्थान असलेल्या तिरुमला येथे काम करणारे सर्व लोक हिंदू असले पाहिजेत. इतर धर्मातील कर्मचाऱ्यांबाबत कोणता निर्णय घ्यावा, त्यांना इतर सरकारी विभागात पाठवायचे की व्हीआरएस (स्वैच्छिक सेवानिवृत्ती) द्यायची याबाबत ते आंध्र प्रदेश सरकारशी बोलतील. मागील वायएसआर काँग्रेस सरकारच्या काळात तिरुमलामध्ये अनेक अनियमितता झाल्याचा आरोप नायडू यांनी केला. मंदिराचे पावित्र्य राखले पाहिजे, असे ते म्हणाले. (हेही वाचा: Divorce for Making Fun of Religion: पत्नी उडवायची पतीच्या हिंदू धर्माची खिल्ली; उच्च न्यायालयाने मंजूर केला घटस्फोट, म्हटले- 'ही मानसिक क्रूरता')
Only Hindus should work at Tirumala:
'Only #Hindus should work at #Tirumala’: New temple chairman #BRNaidu calls it his priorityhttps://t.co/kFuuXjPBtE
— Hindustan Times (@htTweets) October 31, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Oct 31, 2024 09:18 PM IST. For more news and updates on politics, world, sports, entertainment and lifestyle, log on to our website latestly.com).
