Kolkatta Murder News: लिव्ह - इन पार्टनरची हत्या,महिला आरोपीला अटक, कोलकत्ता हादरलं

Kolkatta Murder News: महिलेने लिव्ह -इन पार्टनरची चाकूने हत्या केल्याची धक्कादायक घटना पश्चिम बंगाल मध्ये घडली आहे. या भयंकर घटनेने कोलकत्ता शहरात हाहाकार माजला आहे. मंगळवारी २७ फेब्रुवारी हत्या केल्याची माहिती मिळाली आहे. महिला नवऱ्यापासून वेगळी राहत होती आणि तीला सहा वर्षाचा एक मुलगा देखील आहे. मुलाला आईकडे पाठवल्यानंतर महिलेने पार्टनरची राहत्या घरात हत्या केली. माहितीनुसार, महिलेचे पार्टनर सोबत वारंवार भांडण होत असायचे. त्यामुळे हत्या केली असावी असा संशय घेतला जात आहे. या हत्ये प्रकरणी आरोपी महिलेला पोलिसांनी अटक केले आहे. या घटनेनंतर मुलाला आश्चर्याचा धक्काच बसला आहे. सार्थक दास असं मृताचे नाव आहे. ते दोघे जण सोशल मीडियाच्या माध्यमातून भेटले होते.