Uttarakhand Forest Fire: उत्तराखंडच्या नैनिताल हिल्समध्ये नीम करोली बाबा आश्रमाजवळ आग (Watch Video)

Uttarakhand Forest Fire: नैनितालच्या कैंची धाम मंदिराजवळ मंगळवारी जंगलाला आग (Fire) लागली. कैंची मंदिरासमोरील हरतापा जंगलाला लागून असलेल्या नाप जमिनीवर मंगळवारी सायंकाळी चार वाजता अचानक आग लागली. जोराच्या वाऱ्यामुळे आग वेगाने पसरल्याचे सांगण्यात येत आहे. जवळच पाइनची जंगले आहेत. मात्र, टेकडीवर आग लागल्याचे पाहून स्थानिकांनी वनविभागाला माहिती दिली. माहिती मिळताच वनविभागाच्या पथकाने घटनास्थळी धाव घेत आग आटोक्यात आणली. वन बीट अधिकारी प्रेम यांनी सांगितले की, हरतापाला लागून असलेल्या वन टेकडीवरील काही जमिनीला आग लागली होती. आगीची माहिती मिळताच पथकाने घटनास्थळ गाठून आग जंगलात पसरण्यापूर्वीच विझवली. ज्या ठिकाणी आग लागली ती जागा कैंची मंदिरापासून दूर असल्याचे त्यांनी सांगितले.

पहा व्हिडिओ -