Cyclone In West Bengal : पश्चिम बंगालला चक्रीवादळाचा तडाखा; ५ ठार, शेकडो जखमी, घरांचे नुकसान (Watch Video)
पश्चिम बंगालला काल रविवारी चक्रीवादळाचा मोठा तडाखा बसला. यात पाच जमांचा मृत्यू झाला आहे. ममता बॅनर्जी यांनी घटनास्थळाचा आढावा घेतला असून प्रशासनाकडून मदतकार्य सुरू आहे.
Cyclone In West Bengal : पश्चिम बंगाल (West Bengal)च्या जलपाईगुडी जिल्ह्यात रविवारी आलेल्या चक्रीवादळ(Cyclone)मुळे मोठे नुकसान झाले आहे. जिल्ह्याच्या बहुतांश भागात गारपिटीसह सोसाट्याच्या वाऱ्यामुळे (Cyclone In West Bengal) अनेक घरांचं नुकसान झालं आहे. झाडे उन्मळून पडली आहेत. विजेचे खांब पडले गेलेत. त्याशिवाय, आतापर्यंत 5 जणांचा मृत्यू झाला असून अनेकजण जखमी झाल्याची माहिती मिळत आहे. या परिस्थीतीवर मुख्यमंत्री ममता बॅनर्जी यांनी शोक व्यक्त केला आहे. जखमींना दाखल केलेल्या सुपर स्पेशालिटी हॉस्पिटललाही त्यांनी भेट दिली. द्विजेंद्र सरकार (52), अनिमा रॉय (49), जोगेन रॉय (70) आणि समर रॉय (64) अशी मृतांची नावे आहेत. (हेही वाचा :Bageshwar Baba : बागेश्वर बाबा विरोधात गुन्हा दाखल; भंडारा जिल्ह्यात संताविषयी वादग्रस्त वक्तव्य )