Vasant Vihar Wall Collapsed: दिल्लीतील वसंत विहार परिसरात बांधकाम ठिकाणी भिंत कोसळली, एकाचा मृतदेह सापडला

Vasant Vihar Wall Collapsed: दिल्लीत गेल्या काही दिवसांपासून मुसळधार पाऊस सुरु आहे. मुसळधार पावसामुळे दिल्लीतील वसंत विहार परिसरात एका बांधकामाच्या ठिकाणी भिंती कोसळल्याची धक्कादायक माहिती समोर आली आहे. माहिती मिळताच, घटनास्थळी बचावकार्य सुरु झाले. दिल्ली अग्निशमन दलाच्या गाड्या दाखल झाल्या. या ढिगाऱ्याखाली शनिवारी पहाटे मजुराचा मृतदेह सापडला. ढिगाऱ्याखाली आणखी दोन मजूर अडकल्याची भीती व्यक्त केली जात आहे. शुक्रवारी घडलेल्या घडनेमुळे परिसरात एकच खळबळ उडाली आहे. संतोष कुमार यादव असं मृताचे नाव आहे. (हेही वाचा- नवी मुंबईत डंपरने दुचाकीला चिरडले, अपघातात पोलिस हवालदाराचा मृत्यू, गुन्हा दाखल)