Medical College Slab Collapsed: गुजरातमध्ये बांधकाम सुरु असलेल्या कॉलेज इमारतीचा स्लॅब कोसळला, चार जण जखमी

Medical College Slab Collapsed: गुरजातच्या मोरबी येथील मेडिकल कॉलेजच्या इमारतीचा स्लॅब कोसळल्याची दुर्घटना समोर आली आहे. या भीषण अपघातात चार जण जखमी झाले आहेत. घटनेची माहिती मिळताच, प्रशासन घटनास्थळी दाखल झाले आणि बचावकार्य सुरु झाले.  स्लॅब खाली अडकलेल्यांना बचावकार्यांच्या मदतीने बाहेर काढण्यात आले. त्यानंतर जखमींना रुग्णालयात दाखल करण्यात आले. स्लॅब कोसळल्याने परिसरात एकच खळबळ उडाली आहे. मिळालेल्या माहितीनुसार, बांधकाम सुरु असलेल्या मेडिकल कॉलेजचा स्लॅब कोसळण्याची दुर्घटना शुक्रवारी संध्याकाळी घडली.सोशल मीडियावर घटनेचा व्हिडिओ देखील व्हायरल होत आहे. हेही वाचा- उल्हासनगरमध्ये इमारतीचा स्लॅब कोसळला, इमारतीतून नागरिकांना बाहेर काढण्याचे काम सुरू