Karnataka Shocker: अल्पवयीन हिंदू तरुणीसोबत फिरत असल्याच्या कारणावरून मुस्लिम तरुणाला मारहाण
पोलिसांनी दिलेल्या माहितीनुसार, कडबा तालुक्यातील कुक्के सुब्रमण्य या तीर्थक्षेत्रात ही घटना घडली. कल्लुगुंडी येथील आफीद असे या तरुणाचे नाव असून त्याला रुग्णालयात दाखल करण्यात आले आहे.
कर्नाटकातील (Karnataka) दक्षिण कन्नड जिल्ह्यात शुक्रवारी एका अल्पवयीन हिंदू मुलीसोबत एका तीर्थक्षेत्राजवळ भटकल्याबद्दल एका मुस्लिम तरुणाला बेदम मारहाण करून पोलिसांच्या ताब्यात देण्यात आले. पोलिसांनी दिलेल्या माहितीनुसार, कडबा तालुक्यातील कुक्के सुब्रमण्य या तीर्थक्षेत्रात ही घटना घडली. कल्लुगुंडी येथील आफीद असे या तरुणाचे नाव असून त्याला रुग्णालयात दाखल करण्यात आले आहे.
कुक्के सुब्रमण्यच्या बस स्टॉपवर त्याला हिंदू तरुणीसोबत पाहिल्यावर एका गटाने तरुणावर हल्ला केला होता. त्यांनी कुमारधारापर्यंत त्यांचा पाठलाग केला आणि नंतर त्यांच्यावर हल्ला केला. पीडितेच्या तक्रारीवरून सुब्रमण्य पोलिसांनी गुन्हा दाखल केला आहे. मुलीच्या वडिलांनीही त्याच्याविरुद्ध तक्रार दाखल केली असून पोलिसांनी त्याच्याविरुद्ध पोक्सो कायद्यांतर्गत गुन्हा दाखल केला आहे. हेही वाचा Bangalore Shocker: बेंगळुरूमध्ये मंदिरात महिलेला मारहाण, पहा व्हायरल व्हिडिओ