Karnataka High Court: मोबाईल फोनसोबत विकल्या जाणाऱ्या चार्जरवर वेगळा कर आकारला जाऊ शकत नाही; कर्नाटक उच्च न्यायालयाचा निर्वाळा

Karnataka High Court: मोबाईल फोनसोबत विकल्या जाणाऱ्या चार्जरवर वेगळा कर आकारला जाऊ शकत नाही, असा महत्त्वपूर्ण निर्वाळा कर्नाटक उच्च न्यायालयाने दिला आहे. एका सेटमध्ये मोबाईल फोनसोबत विकले जाणारे चार्जर 5 टक्के दराने करपात्र असल्याचे कर्नाटक उच्च न्यायालयाने म्हटले आहे. खंडपीठाचे न्यायमूर्ती पी. एस. दिनेश कुमार आणि न्यायमूर्ती टी.जी. शिवशंकरे गौडा यांनी निरीक्षण केले आहे की, ‘मोबाइल सेट’ खरेदी करताना किंवा विकताना खरेदीदार किंवा विक्रेत्याचा मुख्य हेतू मोबाइल फोनची खरेदी किंवा विक्री हा असतो. एकट्या चार्जरचा नाही. चार्जर, हेडसेट आणि इजेक्शन पिनचा पुरवठा विक्रीसाठी प्रासंगिक आहे. त्यामुळे चार्जरवर वेगळ्या पद्धतीने कर आकारला जाऊ शकत नाही, असं न्यायालयाने म्हटलं आहे.