Marathi Film ‘Devmanus’: प्रेक्षकांसाठी पर्वणी! 'देवमाणूस’ चित्रपटाच्या निमित्ताने पहिल्यांदाच एकत्र दिसणार महेश मांजरेकर, रेणुका शहाणे आणि सुबोध भावे; जाणून घ्या कधी होणार प्रदर्शित

अभिनेते महेश मांजरेकर आणि रेणुका शहाणे पहिल्यांदाच एका प्रकल्पानिमित्त एकत्र येणार आहेत. महत्वाचे म्हणजे सुबोध भावेदेखील या चित्रपटात दिसणार आहे. तेजस देवस्कर दिग्दर्शित लव फिल्म्सचा पहिला मराठी चित्रपट ‘देवमाणूस’मध्ये हे तिघेही झळकणार आहेत. या चित्रपट 25 एप्रिल, 2025 रोजी रिलीज होणार आहे. या चित्रपटाची निर्मिती लव रंजन आणि अंकुर गर्ग यांच्या लव फिल्म्सद्वारे केली जात आहे. या प्रोडक्शन हाऊसने अनेक प्रमुख हिंदी ब्लॉकबस्टर्सची निर्मिती केली आहे. आता महेश मांजरेकर, रेणुका शहाणे आणि सुबोध भावे, 'देवमाणूस' या चित्रपटातून एकत्र आले आहेत ही प्रेक्षकांसाठी पर्वणी ठरणार आहे. याबाबत लव म्हणाले, कला, संगीत आणि कथाकथनाचा वारसा असलेल्या महाराष्ट्राच्या समृद्ध संस्कृतीने अनेक पिढ्यांना प्रेरणा दिली आहे. आता आम्हाला मराठी चित्रपटसृष्टीत पाऊल ठेवताना आनंद होत आहे. याबाबत रेणुका शहाणे म्हणाल्या, देवमाणूसच्या निमित्ताने मी महेशसोबत एकत्र काम करत आहे. मला खात्री आहे 'देवमाणूस' बघून प्रेक्षकांना काहीतरी दमदार बघितल्याचे समाधान मिळेल. (हेही वाचा: Sangeet Manapman Movie Review: नाट्यमयता आणि अभिव्यक्तीवादासह ‘संगीत मानपमान’ नाटकाने सिनेमा केला खरा; मात्र, प्रेक्षकांची झाली निराशा)

'देवमाणूस’ मराठी चित्रपट-