Kolkata Doctor Rape-Murder Case: 'घरातला मुलगा संध्याकाळी 7 नंतर...'; कोलकाता डॉक्टर बलात्कार-हत्या प्रकरणावर अभिनेता Siddharth Chandekar ने व्यक्त केला संताप (Watch Video)
या तरुणीला न्याय मिळावी, आरोपींना कडक शिक्षा व्हावी या मागणीसाठी अनेक ठिकाणी निदर्शने केली जात आहेत. विविध क्षेत्रातील लोक या घटनेवर आपला संताप व्यक्त करत आहेत. आता अभिनेता सिद्धार्थ चांदेकरने या घटनेबाबत आपले विचार मांडले आहेत.
Kolkata Doctor Rape-Murder Case: कोलकात्याच्या आरजी कार मेडिकल कॉलेज आणि हॉस्पिटलमध्ये प्रशिक्षणार्थी डॉक्टरवर झालेल्या बलात्कार आणि हत्येच्या विरोधात संपूर्ण देश एकवटला आहे. ज्या स्थितीत आणि परिस्थितीमध्ये पिडीतेचा मृतदेह सापडला होता, त्यावरून ती हिंसाचाराची अत्यंत घृणास्पद कृती असल्याचे दिसून येते. महत्वाचे म्हणजे सरकारी वैद्यकीय महाविद्यालय रुग्णालयाच्या कथित सुरक्षित आवारात ही घटना घडली. आता या तरुणीला न्याय मिळावी, आरोपींना कडक शिक्षा व्हावी या मागणीसाठी अनेक ठिकाणी निदर्शने केली जात आहेत. विविध क्षेत्रातील लोक या घटनेवर आपला संताप व्यक्त करत आहेत. आता अभिनेता सिद्धार्थ चांदेकरने या घटनेबाबत आपले विचार मांडले आहेत.
सिद्धार्थने स्वातंत्र्यदिनाच्या दिवशी त्याच्या इन्स्टाग्रामवर एक व्हिडिओ शेअर केला आहे. या व्हिडिओमध्ये तो म्हणतो, ‘मुलगी शिकली प्रगती झाली, हे आपण बोलायला नको. मुलगी शिकतेय, तिला शिकू दिले जात नाहीये. आपल्या घरातील मुलगी संध्याकाळी 7 च्या आत घरात परत येत आहे की नाही हे बघण्यापेक्षा, आपल्या घरातला मुलगा संध्याकाळी 7 नंतर कुठे जातो, काय करतो, काय संगत आहे त्याची, कोणाशी बोलतोय, काय विचार आहेत त्याचे... हे बघणे जास्त गरजेचे आहे. खरेच या देशातला मुलगा शिकला, तो सुसंस्कृत झाला, स्त्रियांचा आदर करायला शिकला, तर या देशाची प्रगती झाली.’ (हेही वाचा: Kolkata Doctor Case: पोस्टमॉर्टम रिपोर्टमधून धक्कादायक माहिती उघड; डॉक्टरवर सामूहिक बलात्कार झाल्याचे आले समोर)
पहा संपूर्ण व्हिडिओ-
View this post on Instagram
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Aug 15, 2024 07:41 PM IST. For more news and updates on politics, world, sports, entertainment and lifestyle, log on to our website latestly.com).
