Viral Video: सुकेश चंद्रशेखरने फिल्मी स्टाईलमध्ये दिल्या Jacqueline Fernandez ला 'व्हॅलेंटाईन डे'च्या शुभेच्छा, पहा व्हिडीओ

सुकेश चंद्रशेखर हा सध्या 200 कोटींच्या मनी लाँड्रिंग प्रकरणात तुरुंगात आहे. अनेक टीव्ही आणि बॉलिवूड अभिनेत्रींचे नाव सुकेशशी जोडले गेले आहे, मात्र बॉलिवूड अभिनेत्री जॅकलिन फर्नांडिससोबतचे त्याचे नाते कोणापासून लपलेले नाही. गेल्या वर्षी सुकेश चंद्रशेखर आणि श्रीलंकन ​​ब्यूटी जॅकलिनचे काही अनसीन फोटो व्हायरल झाले होते, ज्यामध्ये दोघांमधील जवळीक दिसून आली होती. आता 'व्हॅलेंटाईन डे'ला सुकेश चंद्रशेखरने फिल्मी स्टाईलमध्ये जॅकलीनला शुभेच्छा दिल्या आहेत. सुकेश चंद्रशेखर कोर्ट रूममधून बाहेर आल्यानंतर त्याला जॅकलिन फर्नांडिसने केलेल्या आरोपावर विचारले असता, त्याने प्रतिक्रिया देण्यास नकार दिला आणि सांगितले की, जॅकलिनला माझ्याकडून 'व्हॅलेंटाईन डे'च्या शुभेच्छा द्या. सुकेशचा हा व्हिडीओ सध्या व्हायरल होत आहे.