Tejas Release Date Out: प्रतीक्षा संपली! कंगना राणौतच्या 'तेजस' चित्रपटाची रिलीज डेट जाहीर, फायटर प्लेन उडवताना दिसणार
चित्रपटात कंगना एका पायलटचा प्रवास आणि देशासाठी प्राणाची आहुती देणाऱ्या त्याच्या शौर्याची कथा दाखवणार आहे.
अभिनेत्री कंगना राणौत (Kangna Ranaut) लवकरच फायटर प्लेन उडवताना दिसणार आहे. कंगनाच्या 'तेजस' (Tejas) या चित्रपटाची चाहते आतुरतेने वाट पाहत आहेत. या चित्रपटात कंगना देशासाठी आपला जीव धोक्यात घालताना दिसणार आहे. आता अभिनेत्रीने इन्स्टाग्रामवर तारीख शेअर करत तेजसच्या रिलीज डेटचा खुलासा केला आहे. चित्रपटात कंगना एका पायलटचा प्रवास आणि देशासाठी प्राणाची आहुती देणाऱ्या त्याच्या शौर्याची कथा दाखवणार आहे. इंस्टाग्रामवर एक पोस्ट शेअर करत कंगना रणौतने लिहिले, आमच्या शूर वायुसेनेच्या वैमानिकांच्या शौर्याचा सन्मान! तेजस 20 ऑक्टोबरला चित्रपटगृहांमध्ये प्रदर्शित होणार आहे. यासोबत कंगनाने या चित्रपटाचे वर्णन भारतातील पहिली एरियल अॅक्शन फिल्म म्हणून केले आहे.