लता मंगेशकर यांच्या स्मरणार्थ कर्नाटक सरकारने जाहीर केला दोन दिवसांचा राजकीय दुखवटा

देशाची महान गायिका, गानकोकिळा लता मंगेशकर यांचे आज सकाळी निधन झाले. लता दीदींच्या जाण्याने संपूर्ण देश शोकसागरात बुडालेला आहे. लता दीदी यांच्यावर शिवाजी पार्क येथे अंत्यसंस्कार होणार आहेत. त्यांचे पार्थिव शिवाजी पार्कवर पोहोचले असून, शासकीय इतमामात त्यांच्यावर अंत्यसंस्कार होणार आहेत. राज्य सरकारने दोन दिवसांचा दुखवटा जाहीर केला असून उद्या सार्वजनिक सुट्टी जाहीर केली आहे. आता लता मंगेशकर यांच्या स्मरणार्थ कर्नाटक सरकारने दोन दिवसांचा राजकीय दुखवटा जाहीर केला आहे. यावेळी सर्व सार्वजनिक मनोरंजनाचे कार्यक्रम निषिद्ध आहेत आणि राष्ट्रीय ध्वज अर्ध्यावर घेतला जाईल, असे मुख्यमंत्री बसवराज बोम्मई यांनी एका. निवेदनात म्हटले आहे.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)