रणबीर कपूरने बुक केली Adipurush ची 10,000 तिकिटे; वंचित मुलांना मोफत दाखवणार Prabhas स्टारर चित्रपट- Reports

ओम राऊत याचा 'आदिपुरुष' हा पौराणिक चित्रपट सध्या चर्चेत आहे. प्रभास, क्रिती सेनॉन आणि सैफ अली खान यांच्या मुख्य भूमिका असलेल्या या चित्रपटाची अनेक महिन्यांपासून प्रतीक्षा आहे. चित्रपटाच्या प्रदर्शनाची तारीख जसजशी जवळ येत आहे, तसतसे लोकांमध्ये उत्सुकता वाढत आहे. हा चित्रपट 16 जूनला प्रदर्शित होणार असून, बॉक्स ऑफिसवर तो जबरदस्त ओपनिंग करेल अशी अपेक्षा केली जात आहे. अशात रणबीर कपूरने वंचित मुलांसाठी आदिपुरुष चित्रपटाची 10,000 तिकिटे बुक केली आहेत. साधारण 10,000 वंचित मुलांना चित्रपटाचा आनंद घेता यावा म्हणून रणबीर कपूर त्यांना मोफत चित्रपट दाखवणार आहे.

काल 'द काश्मीर फाइल्स'चे निर्माते अभिषेक अग्रवाल यांनी त्यांच्या वैयक्तिक इंस्टाग्राम अकाउंटवर सांगितले की, ते वंचित मुलांना 'आदिपुरुष'ची 10,000 तिकिटे वितरीत करणार आहेत. आता अहवालानुसार रणबीर कपूरनेही अशीच घोषणा केली आहे. (हेही वाचा: सोनू सूद करणार ओडिशातील रेल्वे दुर्घटनाग्रस्तांना मदत, उचलणार शिक्षणाची जबाबदारी)