Drugs-on-Cruise Case: आर्यन खानचा आजचा मुक्कामही तुरुंगात; मुंबई उच्च न्यायालयाने जमीन अर्जावरील सुनावणी उद्यापर्यंत तहकूब केली
20 ऑक्टोबर रोजी झालेल्या सुनावणीत विशेष न्यायालयाने एनडीपीएस कायद्यांतर्गत जामीन नाकारल्यानंतर आर्यन खानने तातडीने उच्च न्यायालयात धाव घेतली
मुंबई क्रूझ ड्रग्ज पार्टी प्रकरणी शाहरुख खानचा मुलगा आर्यन खान याच्या जामीन अर्जावर आज (२५ ऑक्टोबर, मंगळवार) मुंबई उच्च न्यायालयात सुनावणी झाली. आता जामीन अर्जावर उद्या (बुधवार, 27 ऑक्टोबर) सुनावणी होणार आहे. उद्या दुपारी 2.30 वाजता ही सुनावणी होणार आहे. म्हणजेच आजची रात्रही आर्यन खानला तुरुंगातच काढावी लागणार आहे.
20 ऑक्टोबर रोजी झालेल्या सुनावणीत विशेष न्यायालयाने एनडीपीएस कायद्यांतर्गत जामीन नाकारल्यानंतर आर्यन खानने तातडीने उच्च न्यायालयात धाव घेतली. आर्यन खानचा जामीन अर्ज मॅजिस्ट्रेट कोर्ट आणि सेशन्स कोर्टाने फेटाळल्यानंतर भारताचे माजी अॅटर्नी जनरल मुकुल रोहतगी आज त्याची बाजू मांडण्यासाठी हजर झाले.