जपानी तरुणाने hologram बाहुलीशी केले लग्न, पाहा या आगळ्यावेगळ्या लग्नाचे फोटोज
या तरुणाने व्हर्च्युअल रिअॅलिटी सिंगर म्हणून ओळखल्या जाणाऱ्या हॉलोग्रामशी लग्न केलंय.
आजकालचं युग व्हर्च्युअल आहे. पण या व्हर्च्युअल जगाचा प्रभाव इतका आहे की, एक जपानी तरुण व्हर्च्युअल सिंगरच्या प्रेमात पडला आहे. हे प्रेम इतक्यावरच थांबले नाही तर या तरुणाने व्हर्च्युअल रिअॅलिटी सिंगर म्हणून ओळखल्या जाणाऱ्या हॉलोग्रामशी लग्न केलंय. लग्नासाठी चक्क त्याने लाखो रुपयांचा खर्च केला. पण या लग्नासाठी त्याच्या कुटुंबियांनी पूर्णपणे नकार दिला. ते लग्नाला देखील उपस्थित राहिले नाहीत.
असा आगळावेगळा लग्नसोहळा पहिल्यांदाच जपानमध्ये पार पडला आहे. अकिहीको कोंडो या 31 वर्षांच्या तरुणाने हटसुने मिकू या हॉलोग्रामशी लग्न केले. हटसुने मिकू हे निळ्या रंगाचे व्हर्च्युअल कॅरेक्टर जपानमध्ये अतिशय प्रसिद्ध आहे. लहान मुलांच्या आवडत्या निलपरीच्या प्रेमात अकिहीको पडला आणि इतका आकंठ बुडाला की त्याने तिच्याशी लग्न करण्याचा निर्णय घेतला.
知人と初音ミクとの結婚式に参加しました。
「二次元のキャラクターとの結婚」とメディアで取り上げられた事をご記憶の方もいらっしゃると思います。
多様性と言う言葉が持て囃されて久しいですが、幸福や愛は人の数だけありますので、様々な形があっても良いですね。
ご結婚おめでとうございます。 pic.twitter.com/85V6bLmn3V
— おぎの稔 大田区議会議員 (@ogino_otaku) November 4, 2018
टोकियोमध्ये हा लग्नसोहळा पार पडला. या बाहुलीला त्याने अंगठी दिली. त्याचबरोबर तिला रोज पाहण्यासाठी त्याने घरात नवा डेक्सटॉपही विकत घेतला.
सामान्य माणसाप्रमाणे मी मिकूसोबत आयुष्य जगू शकतो. ती खऱ्या पत्नीप्रमाणे रोज मला झोपेतून उठवते, जेवणाची आठवण करुन देते. तिचा विश्वासघात मी करणार नाही, असेही अकिहीकोने सांगतिले.
(The above story first appeared on LatestLY on Nov 13, 2018 01:07 PM IST. For more news and updates on politics, world, sports, entertainment and lifestyle, log on to our website latestly.com).
