कोरोना व्हायरस संकटात स्पेनच्या डॉक्टरांनी केली भारतीय पद्धतीने पार्थना; हॉस्पिटलमध्ये स्टाफकडून ‘ओम’ मंत्राचा जप, सतनाम वाहे गुरुपाठ (Video)

कोरोना विषाणूमुळे (Coronavirus) संपूर्ण मानवजातीला मोठा धोका निर्माण झाला आहे. प्रत्येक देश त्यावर मात करण्यासाठी सर्वतोपरी प्रयत्न करत आहेत. या विषाणूवर अजूनही औषध किंवा लसीचा शोध लागला नाही, त्यामुळे या विषाणूची भीती दिवसेंदिवस वाढत आहे. सध्या अशाच विवंचनेत युरोपियन देश स्पेन (Spain) देखील आहे. या देशातील 80 हजार पेक्षा जास्त लोकांना कोरोना विषाणूची लागण झाली आहे. इथल्या बर्‍याच हॉस्पिटलमध्ये लोकांवर उपचार सुरू आहेत. अशात सध्या स्पेनमधील एक व्हिडिओ व्हायरल होत आहे, ज्यामध्ये हॉस्पिटलमधील स्टाफने संक्रमित लोकांसाठी ‘ओम’चा (Om Mantra) जप आणि सतनाम वाहे गुरुपाठ (Satnaam Wahe Guru Path) चे पठण केले.

मानव मंगलानी यांनी हा व्हिडिओ शेअर केला आहे. यात हॉस्पिटलमधील सर्व कर्मचारी, स्टाफ शिस्तबद्ध पद्धतीने उभे आहेत आणि 'ओम’ मंत्रांसह सतनाम वाहेगुरू'चा पाठ पठन करत आहेत. हा व्हिडिओ स्पेनमधील रूग्णालयाचा असल्याचा दावा मानव मंगलानी यांनी केला आहे. अशाप्रकारे एकीकडे या विषाणूवर विजय प्राप्त करण्यासाठी वैद्यकीय क्षेत्र झटत असताना, दुसरीकडे मनातील आस्थाही यासाठी मदत करेल या आशेने डॉक्टरांनी हिंदू पद्धतीने पार्थना केली. सध्या सोशल मिडियावर हा व्हिडिओ प्रचंड व्हायरल होत आहे.

 

View this post on Instagram

 

being chanted at a hospital in #spain where #CoronaVirus patients are being treated #praying for speedy recovery 🙏 #PositiveVibes #staystrong #spain We Are with you #india #love #StayHomeStaySafe #StayHomeSaveLives #Lockdown @yoursevaorg

A post shared by Manav Manglani (@manav.manglani) on Mar 29, 2020 at 4:37am PDT

(हेही वाचा: Fact Check: कोरोना व्हायरसची PH Value 5.5-8.5 च्या मध्ये असल्याने लिंबू, आंबा, संत्री खाऊन करता येणार उपचार? जाणून घ्या व्हायरल फॉरवर्ड मागील सत्य)

हिंदू धार्मिक ग्रंथांमध्ये ओम मंत्राचा जप करण्याचे बरेच विलक्षण फायदे सांगितले आहेत. अनेक प्रसंगी असे दावे केले जातात की. याच्या जपाने बरेच रोग दूर होतात, अनेक अवघड गोष्टी सुलभ होतात. हिंदू धर्माच्या बहुतेक मंत्रांचा उच्चार 'ओम' ने सुरू होतो. त्याचप्रमाणे शीख धर्मातही देवाकडे जाण्याचा मार्ग संगीताद्वारे सांगितला गेला आहे. या धर्मात अर्धनामध्ये 'सतनाम वाहेगुरू' प्रार्थनेस सर्वोपरि दर्जा देण्यात आला आहे. म्हणूंच कोरोना विषाणूशी झुंज देत असलेल्या पेशंटसाठी ही स्पेनमधील डॉक्टरांनी या प्रार्थनेचा आधार घेतला.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)