Female Pilot Dies While Paragliding: पॅराग्लायडिंग करताना अपघात, महिला पायलट ठार; बीड जिल्ह्यातील वैजनाथ येथील घटना
बीडमधील वैजनाथ येथे पॅराग्लायडिंग करताना महिला पायलटचा मृत्यू झाल्याची बाब समोर आली आहे. पोलीस सध्या घटनेचा तपास करत आहेत. पॅराग्लायडरवरील नियंत्रण सुटल्याने अपघात झाल्याचे प्रथमदर्शी सांगण्यात येत आहे.
Female Pilot Dies While Paragliding : बीडमधील वैजनाथ हे पॅराग्लायडिंगसाठी जगप्रसिद्ध ठिकाण ठरले आहे. देशभरातून ॲडवेंचरीस्ट पॅराग्लायडिंग(Paragliding)चा आनंद घेण्यासाठी बीडमध्ये दाखल होत असतात. मात्र, रविवारी पॅराग्लायडिंग करताना एका महिला पायलटचा मृत्यू (Female Pilot Death)झाल्याची माहिती समोर आली आहे. रितू चोप्रा असे मृत महिलेचे नाव आहे. पॅराग्लायडिंग साइटवरून उड्डाण करताच रितू चोप्रा यांचे पॅराग्लायडरवरील नियंत्रण सुटले आणि त्यांचे पॅराग्लायडर थेट संसल गावला लागून असलेल्या डोंगरावर (Hill) आदळले. सध्या त्यांचा मृतदेह नोएडा, गौतम बुद्ध नगर येथील त्यांच्या निवासस्थानी नेण्यात आला आहे. (हेही वाचा :Woman Tourist Falls To Death In Manali: पॅराग्लायडिंग करताना सेफ्टी बेल्ट उघडला, 250 मीटर उंचीवरून पडून महिलेचा मृत्यू; पायलटला अटक )
धक्कादायकबाब म्हणजे रितू चोप्रा यांचे पॅराग्लायडिंग साइटवरील उड्डाणापासून ते त्यांचे पॅराग्लायडर संसल गावला येथील डोंगराळ भागात आदळेपर्यंतचा सर्व थरार त्यांचे पती आशुतोष चोप्रा यांनी स्वत:च्या डोळ्यांनी पाहिला होता. आशुतोष हे भारतीय हवाई दलात विंग कमांडर म्हणून कार्यरत आहेत. रितू आणि आशुतोष हे गेल्या सहा वर्षांपासून बीडमध्ये पॅराग्लायडिंगसाठी येथे येत होते. या घटनेआधी दोनच दिवस ते वैजनाथमध्ये दाखल झाले होते. रविवारी दुपारी 12.55 च्या सुमारास ही घटना घडली. आशुतोष यांनी या घटनेनंतर तत्काळ वैजनाथ पोलिसांना आणि स्थानिक प्रशासनाला संपर्क साधला. त्याशिवाय, भारतीय हवाई दलातील त्यांच्या सहकाऱ्यांना माहिती दिली.
घटनेनंतर काही वेळातच हवाई दलाचे हेलिकॉप्टर तेथे पोहोचले. त्यांनी तात्काळ बचाव कार्याला सुरूवात केली. रितू चोप्रा यांना वैजनाथ रुग्णालयात दाखल करण्यात आले. मात्र, रुग्णालयात डॉक्टरांनी रितू चोप्रा यांना मृत घोषित केले. असे नेमके का घडले याचा शोध सुरू आहे, असे वैजनाथ पोलीस ठाण्याचे डीएसपी पूर्ण चंद ठुकराल यांनी म्हटले आहे.
कांगड़ा: बैजनाथ के बीड़ में पैराग्लाइडिंग करती महिला पायलट की गिरने से मौत, उड़ान भरते ही खो गया था नियंत्रण।@DDNewslive pic.twitter.com/MnvVrohqCB
— DD News Himachal (@DDNewsHimachal) April 8, 2024
(The above story first appeared on LatestLY on Apr 08, 2024 12:32 PM IST. For more news and updates on politics, world, sports, entertainment and lifestyle, log on to our website latestly.com).
