Mumbai Fraud Case: सेक्स रॅकेटमधून बाहेर काढण्याचे आश्वासन देऊन महिलेची 60.70 लाखांची फसवणूक, याप्रकरणी व्यावसायिकाला अटक
त्याने एका महिलेच्या बहिणीला सेक्स रॅकेटमधून (Sex racket) बाहेर काढण्याचे आश्वासन देऊन 60.70 लाखांची फसवणूक केली आहे.
वर्सोवा पोलिसांनी (Versova police) फसवणूक (Fraud) केल्याच्या आरोपाखाली एका व्यावसायिकाला (businessman) अटक केली आहे. त्याने एका महिलेच्या बहिणीला सेक्स रॅकेटमधून (Sex racket) बाहेर काढण्याचे आश्वासन देऊन 60.70 लाखांची फसवणूक केली आहे. आरोपी सिद्धार्थ मेहता आणि तक्रारदार महिला गेल्या तीन वर्षांपासून एकमेकांना ओळखत होते. जानेवारी महिन्यात तक्रारदाराची धाकटी बहीण इतर स्त्रियांसह एका सेक्स रॅकेटमधून पकडली गेली. जी जुहूच्या (Juhu) आलिशान हॉटेलमध्ये चालवली जात होती. त्यानंतर हा छापा सहाय्यक पोलीस निरीक्षक सचिन वाजे यांनी चालवला होता. जो सध्या अंबानी दहशतवादी भिती प्रकरणात कथित भूमिकेसाठी आणि त्यानंतर मनसुख हिरानच्या हत्येमुळे सेवेतून बडतर्फ करण्यात आला आहे.
तक्रारदाराला माहित नव्हते की तिच्या बहिणीला महिलांच्या आश्रयाला पाठवले जाईल. पुनर्वसन केले जाईल आणि काही आठवड्यांत घरी परत पाठवले जाईल. मेहता यांनी तक्रारदाराशी खोटे बोलले की, तिला न्यायालयात जावे लागेल आणि तिच्या बहिणीला जामिनावर बाहेर काढण्यासाठी वरिष्ठ वकील द्यावे लागतील. तिची सर्व बचत आणि 30 लाख रुपयांचे सोन्याचे दागिने गहाण ठेवून तिने त्याला 60.70 लाख रुपये दिले, असे पोलिसांनी सांगितले. हेही वाचा Pune Online Fraud Case: डेटिंग अॅपवर झालेली ओळख पुण्यातील महिलेला पडली महागात, अज्ञात व्यक्तीकडून 73.5 लाखांची फसवणूक
मात्र नंतर तिला समजले की मेहतांनी आपली फसवणूक केली आहे. तसेच त्याला पैसे परत करण्यास सांगितले. पण मेहता यांनी क्रिकेट सट्टेबाजी आणि शेअर मार्केटमधील सर्व पैसा गमावला होता, असे पोलिसांनी सांगितले. आरोपीचा आधीचा गुन्हेगारी रेकॉर्ड आहे. एफआयआर चार -पाच महिन्यांपूर्वी नोंदवण्यात आला होता. आम्ही त्याला 2 ऑक्टोबर रोजी अटक केली.
तो सध्या न्यायालयीन कोठडीत आहे. त्याच्याकडून कोणतीही पुनर्प्राप्ती होऊ शकली नाही. परंतु त्याच्याकडून सुमारे दोन लाख रुपये किमतीचे दोन आयफोन जप्त करण्यात आले आहेत, असे वर्सोवा पोलीस ठाण्याच्या एका पोलीस अधिकाऱ्याने सांगितले.