Virar Covid Care Fire: विजय वल्लभ कोविड केअरच्या ICU विभागात आग; 13 जणांचा मृत्यू
आज सकाळीच एक दु:खद वार्ता समोर येत आहे. विरार मधील विजय वल्लभ कोविड सेंटर हॉस्पिटलला आग लागल्याने 13 जणांचा मृत्यू झाला आहे.
आज सकाळीच एक दु:खद वार्ता समोर येत आहे. विरार (Virar) मधील विजय वल्लभ कोविड सेंटर हॉस्पिटलला (Vijay Vallabh Covid Care Hospital) आग लागल्याने 13 जणांचा मृत्यू झाला आहे. आज पहाटे 3 वाजता रुग्णालयातील आयसीयू विभागात आग लागली असून यात 13 रुग्णांचा होरपळून मृत्यू झाला आहे. तर 21 रुग्णांना दुसऱ्या रुग्णालयात हलवण्यात आलं आहे, अशी माहिती हॉस्पिटलचे अधिकारी डॉ. दिलीप शाह (Dr. Dilip Shah) यांनी दिली आहे. एसी युनिटच्या शॉर्ट सर्किटमुळे ही आग लागली असावी, असा प्राथमिक अंदाज आहे. दरम्यान, या सर्व प्रकरणाची सखोल चौकशी करण्याचे आदेश मुख्यमंत्री उद्धव ठाकरे (CM Uddhav Thackeray) यांनी दिले आहेत.
मृत्यू झालेल्यांमध्ये 5 महिला आणि 8 पुरुषांचा समावेस आहे. आयसीयूमध्ये 17 कोरोना रुग्ण होते. त्यापैकी 4 रुग्णांना वाचवण्यात यश आले आहे. या दृघटनेनंतर रुग्णांच्या नातेवाईकांवर दु:खाचा डोंगर कोसळला असून हॉस्पिटलबाहेर एकच गर्दी पाहायला मिळत आहे. घटनास्थळी पोलिस, अग्निशमन दलाच्या गाड्या दाखल झाल्या आहेत.
ANI Tweet:
कोविड केअर सेंटरला आग लागण्याची राज्यातील ही पहिलीच घटना नसून यापूर्वी देखील अशा प्रकारच्या अनेक घटना समोर आल्या आहेत. दोन दिवसांपूर्वी नाशिकच्या कोविड केअर रुग्णालयात ऑक्सिजन गळतीमुळे 22 रुग्णांचा मृत्यू झाला होता. यावर शोक व्यक्त मुख्यमंत्र्यांनी रुग्णांच्या नातेवाईकांना 5 लाखांची मदत जाहीर केली आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)